سبعة فوايد طبية للبصل وأربعة اضرار :
البصل معروف من أيام الفراعنة. ويقال ان أطباء الفراعنة كانوا يضعوه في اكل العمال عشان يمدهم بالطاقة وهم يبنوا الاهرامات كمان البصل مذكور في القرآن الكريم لما قوم موسى قالوا لموسى ادعوا لنا ربك ينبت من الأرض الفول والعدس والبصل ورد عليهم ربنا وقال اهبطوا مصرا فان لكم ما سألتم في ما معنى الآية فلو جبنا بصلة متوسطة وزنها 100جرام نجدها تمدنا بي 40سعره حرارية فقط يعني لا تزيد الوزن غير ان 89% من محتواها عبارة عن ماء وفيها حوالي 2 جرام الياف فالبصل غني بفيتامين C وغني بفيتامين B6 وB9 و هو حمض الفوليك وغني نوعا ما بعنصر البوتاسيوم .
لكن في حقيقة الامر في محتويات اهم من كده في البصل فالبصل غني بمركبات الكبريت وغني بمادة وهي مادة مضادة للأكسدة وليها فوايد كتيره للضغط وللقلب وغني أيضا بمواد تصنف على انها من اقوى المواد المضادة للأكسدة فتخيل ان البصل فيه اكتر من 25 مادة فعالة مضادة للأكسدة وهذه المواد كل ماتزيد بيزيد اللون الاحمر او النبيتي الموجود في قشرة البصل .
تتلخص الفوائد الطبية للبصل في :
- البصل يحمي من الإصابة بمرض السكر ويخفض السكر في الدم عند المرضى سواء كانوا نوع اول او نوع تأني وبعض الدراسات تشير ان مفعوله بيكون افضل على مستوى السكر الصايم .
- مفيد لصحة القلب ولعلاج ضغط الدم المرتفع وده بفضل احتوائه على اكثر من 25 مادة مضادة للأكسدة وبالأخص مادة يستخلصوها وتوضع في المكملات الغذائية للمساعدة في تقليل ضغط الدم المرتفع .
- مفيد لصحة القلب ولمرضى الكوليسترول فالبصل يقلل من مستوى الدهون الثلاثية ومن مستوى الدهون الضارة ده غير ان له مفعول قوي كمضاد للأكسدة والالتهابات وبالتالي يحمي من حدوث الجلطات .
- محاربته لبعض الامراض السرطانية فالبصل يحمي من سرطان المعدة ومن سرطان القولون والمستقيم ففي 22 دراسة بتقول ان المرضى الذين يتناولون البصل بشكل يومي يكونون اقل عرضة لمثل هذه السرطانات بنسبة تصل الى 22% .
- صحة العظام فالبصل يقوي ويزود من كثافة العظام بالأخص في السيدات التي انقطعت عنهم الدورة بعد ما وصلوا الى سن اليأس فبعد هذا السن السيدة بتكون اكثر عرضة لهشاشة وكسور الحوض البصل يحمي من الهشاشة والكسور هذه الى جانب طبعا انهم لازم يخادوا مكملات غذائية غنية بفيتامين دال والكالسيوم .
- اقوى مضاد حيوي طبيعي فالبصل يقتل أنواع كثيرة من البكتيريا الضارة وبالتالي يقوي مناعة الجسم كمان وجدوا ان البصل مفيد للمرضى الذين يعانوا من جرثومة المعدة انه يساعد في قتل البكتيريا الحلزونية المسببة لجرثومة المعدة ده غير طبعا انه لما يقوي المناعة فهذا يحميك من امراض البرد والانفلونزا .
- صحة الجهاز الهضمي فالبصل غني بالألياف التي تغذي البكتيريا النافعة الفي المعدة وبالتالي يحسن من عملية الهضم ويزود مناعة الجسم عامة كمان دي تساعد على امتصاص المعادن والفيتامينات الفي الاكل وبالتالي يزيد امتصاص الكالسيوم وده يعود بالنفع على صحة العظام .
مثل ما زكرنا البصل ليه فوايد كثيرة لا تعد ولا تحصى وسهل جدا وضعه في الاكل سواء تطعم بيه الاكل البتاكله او تاكله لوحده مع صحن الفول او تعمله كشربة فشوربة البصل ليها فوايد كثيره جدا .
تتلخص الاضرار للبصل في :
- ضرر خاص بربات المنازل او حتى الرجال الذين يدخلوا المطبخ انه يسبب تهيج العين وزيادة افراز الدموع وهذا بسبب ان البصل اثناء تقطيعه يطلع منه غاز ينشط الخلايا العصبية في العين فالعين كردة فعل طبيعية بتزود من افراز الدموع لطرد الغازات هذه طيب لو حبينا نقشر البصل وبدون مشكلة الدموع هذه يتم تقشيره تحت حنفية الماء ويتم فتح الماء عليه لمنع انتشار الغاز.
- ممكن يسبب تهيج في القولون وهذا بسبب احتوائه على بعض مواد الكربوهيدرات صعبة الهضم بالتالي اذا لم يتم الهضم ممكن يحصل غازات وانتفاخات والم في القولون لذلك دايما ينصح مرضى القولون انهم ما يكثروا من تناول البصل ده غير طبعا ان البصل من الاكلات الممكن تسبب حرقة المعدة والشعور بالحموضة .
- رائحة الفم الكريهة و رائحة العرق غير جيدة .
- خاص بالحيوانات الاليفة لو عندك حيوان اليف في البيت ذي القطة او البسة او الكلب او حتى الخيل فممنوع تأكلهم بصل لان المواد الكبريتية اللي فيه بتسبب انيميا وفقر دم معروف باسم هيلز وهذا يسبب تكسر في خلايا كرات الدم الحمراء ولكن في الحيوانات فقط وليس البشر والانيميا دي بتكون شرسة وممكن تؤدي الى وفاة الحيوان يبقى .
لو حبينا نلخص فوايد واضرار البصل مفيد لمرضى السكر النوع الأول والثاني ومفيد لمرضى الضغط ومفيد لصحة القلب والكوليسترول ومفيد في محاربة سرطان المعدة والقولون ومفيد لصحة العظام ويستخدم كمضاد حيوي طبيعي ومفيد لصحة الجهاز الهضمي اما عن اضراره فهو ممكن يسبب تهيج العيون وزيادة افراز الدموع وغير مناسب لمرضى القولون لأنه ممكن يهيج القولون وبسبب رائحة فم وعرق كريهة ده غير طبعا ضرره على الحيوانات الأليفة لان ممكن يسبب فقر دم مميت.
