التعلم الذاتي :
لتدرس اي مادة او لتتعلم مهارة جديدة او لو للتغير من مجال لمجال هناك طريقتين :
![](https://almanshur.com/wp-content/uploads/2022/01/1-2.jpg)
الطريقة الأولى :
التعليم التقليدي هي الطريقة المتعودين عليها الطريقة الموجودة في المدارس والجامعات. الطريقة دي فيها منهج واضح محدد. انت بتمشي على المنهج ده وتدرسه وتراجعه وبتمتحن في المنهج .
والطريقة الثانية :
هي التعلم الذاتي وهو ينبع منك كشخص وتقدر تتعلم في اي وقت في اي مكان وباي سرعة و طريقة تريدها. الميزة الاساسية في التعليم الذاتي هي ان انت ما عندك اي حدود للتعليم. ولكن في نفس الوقت في التعليم الذاتي ما عندك منهج معين تقدر تمشي عليه.
وفي نفس الوقت انت ما عندك اي نوع من الامتحانات. او ما عندك طريقة تقدر تقيم بها نفسك. وما عندك جدول معين تقدر تلتزم به.
لتحقق اهدافك من التعليم الذاتي ولتتعلم اي مهارة او اي مادة جديدة. او تقرا كتب في مجال معين و فعلا تحقق اكبر قدر من الاستفادة يبقى انت لازم انك تجاوب على اسئلة مهمة.
السؤال الأول : مبادئ التعليم الذاتي ؟
السؤال الثاني : الطريقة التي تتفاعل بها مع المعلومات لتستفيد منها.
السؤال الثالث: كيف تعمل جدول تتبعه في نفس الوقت تعمل لنفسك منهج تمشي عليه لتقدر تحقق اهدافك.
أولا : مبادئ التعليم الذاتي :
بعض الناس تعتقد ان التعليم ينتهي مع انتهاء الجامعة. ان تأخذ شهادة مثل البكالوريوس او الماجستير او الدكتوراه. ولكن الحقيقة هي العكس. انت بتبدأ تتعلم من بعد الجامعة. تبدأ تتعلم مهارات مختلفة في الحياة. يمكن كمان تغير مجالك مرة او اثنين او ثلاثة. الانسان دايما يمر بمراحل مختلفة جدا في حياته تخليه مضطر لازم يتعلم بنفسه. لان الفترة محتاجة من الانسان يفضل يطور نفسه ليقدر ينافس غيره في سوق العمل. علشان تقدر تتعلم اي شيء جديد لازم تفهم مبدأ مهم جدا في مجال التعليم بيسمى هرم النجاح التعليمي. الفكرة دي بتقسم التعليم لثلاث مبادئ اساسية.
المبدأ الاول : الثقة.
المبدأ الثاني : هو ادارة الذات.
المبدأ الثالث : مرحلة التعلم نفسها.
اول شي الثقة هي حاجة مهمة جدا في تعليم اي انسان. ان الجزء الاوسط في مخ الانسان هو الجزء المسئول عن المشاعر او الايموشنز. الجزء ده بيسمى اللوزه (amygdala)الجزء ده لما يتعرض لاي نوع من المشاعر السلبية بيعمل حاجة بتسمى (fight or flight response)وده ردة فعل بتكون مبالغ فيها بتخليك ان انت مش قادر ان انت تحرز اي تقدم في التعليم ردة الفعل اللي بتكون موجودة عند الانسان في اللحظه دي هي ردة فعل غريزية موجودة عند الانسان لما بيحس باي نوع من الخطر. ولو انت بتقول لنفسك كلام سلبي زي ان انا مستحيل اتعلم مجال زي البرمجة او ان انت تقول ان انا فاشل وعمري ما اقدر اتعلم لوحدي. الكلام البسيط ده بيحفز الجزء ده من مخ الانسان ومش بيخليه ان هو قادر ان هو يقبل على ان هو يتعلم حاجة جديدة بالشكل الصح. ولو انت قدرت تبني اول مرحلة من الهرم وهي ان انت يبقى عندك ثقة في نفسك ان تقدر تتعلم تقدر تدخل على المرحلة الثانية وهي مرحلة ) self management)او ادارة الذات الفرق ما بين التعليم التقليدي والتعليم الذاتي هو ان التعليم التقليدي بيعتمد على ان يكون عندك مدرس ومنهج موجود. بينما التعليم الذاتي انت عندك مشكلة ان انت المدرس وفي نفس الوقت انت الطالب. وعلشان كده لازم تفهم ان فكرة التعلم الذاتي بتعتمد على ادارة حاجتين مهمين جدا
ادارة نفسك وادارة المحتوى او المادة التي تدرسها .
اما المرحلة التالتة والاخيرة فهي مرحلة (learning) او التعليم. المرحلة دي الجزء اللي مسئول عنها في الدماغ اسمه (heppocampus). الجزء ده هو الجزء اللي بيساعد على انك انت تحول المعلومات من ما يسمى الذاكرة قصيرة المدى الى الذاكرة طويلة المدى.
الذاكرة اللي انت بتحفظ فيها المعلومة تسجلها عندك علشان تكون موجودة لفترة طويلة. المرحلة دي هي المرحلة التالتة والأخيرة هي اسهل مرحلة فيهم. ولكن المشكلة ان معظم الناس لايستطيعو يديروا اول مرحلتين وهم الثقة وادارة الذات.
ثانيا : كيفية التفاعل مع المعلومات :
طرق التفاعل مع المحتوى هناك ثلاث طرق مهمة جدا بتساعدك تتعامل مع اي نوع من المحتوى
اول طريقه مذكرات كورنيل (cornell notes) اما الطريقة التانية فهي (SQR3)والطريقة التالتة والاخيرة هي (feynman technique) او طريقة فاينمين
اول طريقة هي مذكرات كورنيل (cornell notes) والطريقة دي بتساعدك تلخص اي حاجة عن طريق تكررها تلات مرات باشكال مختلفة. وعلشان تقدر تطبق الطريقة دي بشكل صحيح لازم تقسم الورقة عندك لتلات اقسام. هو الجزء الايمن والقسم التاني هو الجزء الايسر والقسم التالت والاخير هو الجزء السفلي من الصفحة. الجزء الايمن من الصفحة لازم يكون اكبر من الجزء الايسر من الصفحة بمرتين. والجزء ده بتكتب فيه ما يسمى notes او المذكرات اللي انت اتعلمتها من درس معين. كل حاجة انت بتتعلمها من الدرس بتكتبها في الجزء ده. اما الجزء الايسر بتكتب فيه ما يسمى بالكيو. او الاشارة.
وهو عبارة عن ترجمة او ان انت بتلخص الجزء الايمن بطريقة بسيطة جدا. وعلشان كده الجزء ده بيبقى اصغر بكتير جدا من الجزء الايمن. اما الجزء الاخير من الصفحة وهو الجزء السفلي. فالجزء ده بتكتب فيه السمري او الملخص لا هم الافكار اللي انت اتعلمتها. بتحاول تلخص الموضوع في نقط معينة بحيث ان انت تقدر تفتكر الافكار دي لما تيجي تزاكرها بعد كده.
اما الطريقة التانية اللي بتحاول ان انت تدرس فيها اي حاجة هي طريقة SQR3 METHOD والطريقة دي كل حرف فيها بيرمز لشيء معين. بتحاول ان انت تعمله علشان تقدر تذاكر اي شيء. الحرف الاول هو حرف الاس وبيرمز لكلمة SURVEY. وهو عبارة عن عملية مسح للحاجة اللي انت عايز تزاكرها. والفكرة الاساسية في الخطوة دي هي ان انت بتحاول ان انت تقرا الفهرس بتاع الكتاب. وفي نفس الوقت تقرا الكتاب بشكل سريع جدا. بتعمل نوع من عملية المسح. اهم افكار الكتاب علشان تقدر تهيأ مخك ان هو يستقبل المعلومة. اما الخطوة التانية وهي حرف Q بيرمز الى كلمة QUESTIONاو ان انت تسأل اسئلة. في الخطوة دي انت بتسأل اسئلة مبنية على الفهرس بتاع الكتاب في نفس الوقت مبنية على حاجات كتير جدا في الكتاب اللي انت قريتها في الخطوة الاولى.
على سبيل المثال لما تيجي تقرا كتاب معين في مادة معينة بتحاول ان انت تسأل نفسك ما هي النظريات اللي موجودة في الكتاب ما هي التواريخ المهمة ايه هي الشخصيات اللي موجودة? ايه هي الحاجات الاساسية المفروض تركز عليها? تحاول تسجل اهم الاسئلة اللي ممكن تدور في مخك وانت بتحاول ان انت تذاكر المادة دي. بعد ما تطبق اول خطوتين تاخد الخطوة التالتة وهي المزاكرة نفسها. هي فكرة او القراءة ان انت تقرا. بس اهم حاجة في الخطوة دي ان انت تقرا ببطء. تحاول تقرا الافكار وتاخد وقتك في ان انت تستوعب اللي موجودة قدامك اول ما بتنتهي من الخطوة دي بتاخد الخطوة اللي بعدها وهي خطوة او فكرة ان انت تعمل سرد للحاجات اللي انت قريتها.
. وبتسأل نفسك الاسئلة اللي انت سألتها في الاول بصوت عالي. دايما تحاول ان انت تسمع نفسك كل حاجة انت قريتها. بحيث ان انت تقدر تثبت الافكار في مخك. وبعد ما تخلص الخطوة دي بتنتقل للخطوة الاخيرة وهي خطوة المراجعة. في الخطوة دي انت بتعمل مراجعة شاملة لكل حاجة انت زاكرتها. وفي نفس الوقت بتحاول ان انت تجاوب على الاسئلة اللي انت سألتها في الاول علشان تتأكد ان انت ما فوتش اي فكرة مهمة في الكتاب.
الطريقة التالتة والاخيرة :
طريقة فاين مان (feynman technique). الطريقة دي اخترعها العالم الفيزيائي الامريكي ريتشارد فاين مان الحاصل على جايزة نوبل. والطريقة دي طريقة بسيطة جدا ولكنها في نفس الوقت طريقة فعالة جدا وبتساعدك ان انت تفهم المعلومات بشكل صحيح. الطريقة دي ممكن نبسطها في ثلاث خطوات مهمة. الخطوة الأولى هي ان تحدد الشيء المطلوب تزاكره. الشيء اللي انت عايز تتعلمه. حاول ان انت تقرا الشيء ده. وبعد ما تنتهي من مرحلة القراءة بتدخل على المرحلة التانية. وهي ان انت بتحاول تعيد صياغة الكلام اللي انت قريته في الاول بطريقة يفهمها اي شخص. بطريقة بسيطة جدا بحيث ان انت ممكن تشرحه لوالدك او والدتك او تشرحه حتى كمان لطفل صغير.
المهم ان انت تحاول ان انت تبسط المعلومة بشكل يفهمه اي شخص. الفكرة هنا هي ان انت لو بتشرح المعلومة لاي شخص والشخص ده قدر ان هو يفهم المعلومة فده معناه ان انت فعلا فاهم الشيء اللي انت بتذاكره. اما الخطوة التالتة والاخيرة فهي خطوة التبسيط والمراجعة. في الخطوة دي بتحاول تراجع كل الحاجات اللي انت زاكرتها وفي نفس الوقت بتحاول ان انت تبسط اكتر الافكار اللي انت زاكرتها علشان تقدر ان انت تفهمها بشكل احسن. في الجزء ده هدفنا ان احنا نعمل حاجتين الحاجة الأولى هي ان احنا ندير نفسنا والحاجة التانية هي اننا ندير المنهج اللي احنا عايزين نزاكره. علشان تقدر ان انت تدير نفسك . اتبع أربعة خطوات بسيطة. الخطوات دي بتساعدك ان انت تعرف تدير نفسك بشكل احسن علشان تقدر ان انت تخلص المنهج اللي انت عايز تدرسه. الخطوة الأولى هي تحدد لنفسك حاجة تسمى BLOCKS. او الكتلة الزمنية. تحدد لنفسك فترتين خلال اليوم. الفترتين دول بتحاول ان انت تركز فيهم على الحاجة الاساسية وهي المزاكرة. ما بين الفترتين دول بتعمل الخطوة التانية وهي خطوة الراحة. ان انت تدي نفسك راحة عقلية علشان تدي لمخك الراحة ان هو يستوعب المعلومات اللي بيزاكرها. اما الخطوة التالتة فهي ان انت تحط لنفسك اسبوعيا الاوقات اللي انت هتقعد فيها مع اهلك او هتقعد فيها لوحدك او هتعمل فيها اي حاجة بترفه بها عن نفسك. لان الجزء ده مهم جدا عشان يساعدك ان انت تزاكر وتكمل في باقي الاسبوع. والخطوة الرابعة والاخيرة هي ان انت تحدد لنفسك وقتين. الوقت الاول بيسمى planning time او وقت التخطيط.
والوقت التاني بيسمى execution time او وقت التنفيذ.
الوقتين مفروض يساووا بعض علشان تقدر تحقق اعلى مستوى من الانتاجية. ومن هنا نروح على الجزء التاني المهم جدا وهو ان انت تدير المنهج اللي انت عايز تدرسه. الشخص اللي بيتعلم ذاتيا ما عندومنهج معين يمشي عليه. بيكون شخص بيعتمد على نفسه. وعلشان كده في حاجة مهمة جدا تساعدك ان انت تدير المنهج. وهي فكرة الاسئلة. الاسئلة اللي بتسألها هنا هي جزء من ما يسمى او التفكير النقدي. انت ممكن تبحث اكتر عن التفكير النقدي ممكن ان انت تقرا كتب في الموضوع ده ولكن الفكرة الاساسية هنا هي ان تحاول تجيب كل المعلومات الممكنة عن المنهج او الحاجة اللي انت عايز تدرسها. تجيب العيوب المزايا تجيب كل الافكار اللي بتتفق مع الحاجة اللي بتدرسها كل الافكار اللي بتنتقد الحاجة اللي انت بتدرسها تشوف الحاجة دي هل فعلا تقدر تطبقها كيف هتستفيد منها واسئلة كتيرة جدا بتحاول منها ان انت تطلع كل تفصيلة ممكن تكتسبها من المنهج ده. الخطوة دي ممكن تبان انها خطوة معقدة. ولكنك لو قدرت ان انت تسأل الاسئلة الصح. وان انت تجاوب على الاسئلة دي. تقدر فعلا ان انت تفهم المنهج بكل الجوانب اللي فيه.